មនុស្សដែលអ្នកសេពគប់ជាមួយគឺសំខាន់ជាងការដែលអ្នកបានគិតទៅទៀត។ ជាការពិត ទំនាក់ទំនងមិត្តភាពរបស់អ្នកអាចមានឥទ្ធិពលដ៏សំខាន់លើទ្រព្យសម្បត្តិរបស់អ្នក។
បន្ទាប់ពីសិក្សាអំពីទម្លាប់ប្រចាំថ្ងៃរបស់អ្នកមានអស់រយៈពេល ៥ ឆ្នាំ អ្នកនិពន្ធឈ្មោះ Thomas C. Corley បានរកឃើញថា ពួកអ្នកមានចៀសវៀងមនុស្សមួយប្រភេទជាដាច់ខាត នោះគឺមនុស្សទុទិដ្ឋិនិយម។
លោក Thomas C. Corley បានសរសេរថា "មហាសេដ្ឋីដែលប្រឹងប្រែងដោយខ្លួនឯងរើសមនុស្សណាស់ មុននឹងសេពគប់ជាមួយពួកគេ។ កែទម្លាប់របស់អ្នក គឺកែជីវិតរបស់អ្នក។ អ្នកនឹងជោគជ័យដូចមនុស្សដែលអ្នកបានសេពគប់ជាមួយដូច្នោះដែរ។ ពួកអ្នកមានតែងតែស្វែងរកមនុស្សដែលមានគោលដៅច្បាស់លាស់ មានសុទិដ្ឋិនិយម មានសេចក្តីឈ្មុសឈ្មុល និង អ្នកដែលមានទស្សនៈវិស័យប្រកបដោយគំនិតវិជ្ជមាន"។
៨៦ ភាគរយនៃមហាសេដ្ឋីក្នុងការសិក្សារបស់លោក Thomas C. Corley គឺបង្កើតទម្លាប់សេពគប់ជាមួយមនុស្សដែលមានគំនិតចង់ក្លាយជាមនុស្សជោគជ័យ។ ត្រង់ចំណុចមួយទៀត លោក Thomas C. Corley និយាយថា "ពួកអ្នកមានក៏រកហេតុផលដើម្បីរឹតត្បិតការជួបជាមួយមនុស្សគំនិតអវិជ្ជមាន និងអគតិផងដែរ"។
សារៈសំខាន់នៃការជំនួសមិត្តភក្តិអវិជ្ជមានហើយនិងការទទួលសេពគប់បុគ្គលវិជ្ជមានផុសចេញពីការពិតដែលថាភាពវិជ្ជមានគឺស្តង់ដាមួយរបស់អ្នកមានដែលគាត់បានសិក្សា - ហើយយើងធ្វើតាមមនុស្សដែលយើងសេពគប់ជាមួយ។
លោក Corley បានបញ្ជាក់ថា "ភាពជោគជ័យរយៈពេលវែងគឺអាចធ្វើទៅបានតែនៅពេលដែលអ្នកមានទស្សនៈវិស័យប្រកបដោយគំនិតវិជ្ជមាន"។
លោកមិនមែនជាតែមនុស្សម្នាក់ទេដែលបង្ហាញថាការទាក់ទងជាមួយមនុស្សអវិជ្ជមាននាំឲ្យពិបាកបានភាពជោគជ័យ - ឬថាទំនាក់ទំនងរបស់អ្នកអាចប៉ះពាល់ដល់ភាពជោគជ័យផ្នែកហិរញ្ញវត្ថុរបស់អ្នក។
ជិតមួយសតវត្សកន្លងទៅនេះអ្នកកាសែតលោក Napoleon Hill សន្និដ្ឋានស្រដៀងគ្នានេះដែរបន្ទាប់ពីបានធ្វើការស្រាវជ្រាវមហាសេដ្ឋីដែលប្រឹងប្រែងដោយខ្លួនឯងចំនួន៥០០នាក់។ លោកបានសរសេរនៅក្នុងសៀវភៅដែលលក់ដាច់បំផុតចំណងជើងថា "គិតនិងការរីកលូតលាស់សម្បូរបែប/Think and Grow Rich" ក្នុងឆ្នាំ១៩៣៧ ថា "មនុស្សយកគំរូតាមបែបធម្មជាតិនិងទម្លាប់និងអំណាចនៃការគិតរបស់អ្នកដែលពួកគេបានសេពគប់ជាមួយ" និង "វាគ្មានក្តីសង្ឃឹមនោះទេសម្រាប់ភាពជោគជ័យដល់មនុស្សដែលវាយប្រហារលើលក្ខណៈអវិជ្ជមានបុគ្គល"។
ភាពអវិជ្ជមាននឹងបន្ទុចបង្អាក់អ្នកពីការទទួលបានជោគជ័យនិងមនុស្សមានចិត្តដូចគ្នាតែងតែចង់រាប់អានមនុស្សដែលមានចិត្តដូចគ្នា។ ជៀសវាងសេពគប់ជាមួយមនុស្សដែលមានគំនិតទុទិដ្ឋិនិយមនិងចាប់ផ្តើមសេពគប់ជាមួយមនុស្សដែលមានគំនិតសុទិដ្ឋិនិយម៕
No comments:
Post a Comment