| ឈ្មោះ App | ទំហំផ្ទុកទិន្នន័យដែលផ្តល់ឲ្យ |
| Degoo | ១០០ GB |
| Amazon Drive | ៥ GB |
| MEGA | ៥០ GB |
| Mediafire | ១០ GB |
| Google Drive | ១៥ GB |
| Dropbox | ២ GB |
១.Degoo ជាកម្មវិធីស្មាតហ្វូនដែលអាចឲ្យអ្នករក្សាទុកឯកសារបានជាច្រើនប្រភេទ ដូចជា រូបថត វីដេអូ និងឯកសារផ្សេងៗជាដើម ដោយបានថែរក្សាឯកសាររបស់អ្នកជាមួយនឹងប្រព័ន្ធសុវត្ថិភាព Degoo’s online cloud drive និងអាចឲ្យអ្នកទាញយកឯសារចាស់ៗដែលបាត់បង់មកវិញតាមការចង់បានរបស់អ្នក។
App នេះ អាចឲ្យអ្នកប្រើប្រាស់ទាញយកទៅប្រើប្រាស់ដោយសេរីនៅលើ App Store និង Play Store ដែលមានទំហំរហូតដល់ ១០០ GB។ វាក៏អាចឲ្យអ្នកប្រើប្រាស់ផ្ជាប់បណ្ដាញពី កុំព្យូទ័រ ទៅស្មាតហ្វូននៅគ្រប់កន្លែងឲ្យតែមាន អ៊ីនធឺណែត និងអាចឲ្យអ្នកទាញយកឯកសារ និងបើកមើលបានគ្រប់ពេល។ បើអ្នកប្រើប្រាស់ប្រើអស់ទំហំ ១០០GB ក៏អាច Update បន្ថែមបានដោយមិនគិតកម្រៃឡើយ។
២. Amazon Drive ងាយស្រួលសម្រាប់អ្នកប្រើប្រាស់ក្នុងការដំណើរការឯកសារ តន្រ្ដី រូបថត និងវីដេអូ នៅលើ App នេះ។ App នេះ នឹងជួយរក្សាឯកសារ របស់អ្នកទាំងអស់ដោយសុវត្ថិភាពបំផុត លុះត្រាតែស្មាតហ្វូន របស់អ្នកខូច ឬបាត់បង់។
App នេះមានទំហំ ៥ GB ក្នុងការប្រើប្រាស់ដំណាក់កាលដំបូងដោយសេរី ដោយអាចឲ្យអ្នកអាចកែលម្អមាតិកាផ្សេងនៅលើវាបាន និង អាចភ្ជាប់ទៅកាន់កុំព្យូទ័ររបស់អ្នកនៅគ្រប់កន្លែង ។ App នេះ អាចឲ្យអ្នកអាចទាញយកទៅប្រើប្រាស់បានទាំង App Store និង Play Store ។
៣. MEGA គឺជា App ដ៏មានសុវត្ថិភាពបំផុតមួយ មានទំហំរហូតដល់ ៥០ GB អាចឲ្យអ្នកទាញយកទៅប្រើប្រាស់បានដោយសេរី នៅលើ App Store និង Play Store ។
App នេះ ជួយឲ្យអ្នករក្សាឯកសារផ្សេងៗ ទាញយកឯកសារពីវ៉េបសាយដ៏ទៃ ចែករំលែកឯកសារទៅកាន់បណ្ដាញណាមួយ និងតម្រូវឲ្យអ្នកប្រើប្រាស់ត្រូវចង់ចាំលេខកូដសម្គាល់របស់ខ្លួនឲ្យបានល្អ ប្រសិនអ្នកភ្លេច អ្នកនឹងមិនអាចចូលទៅប្រើប្រាស់ទៀតបានជាដាច់ខាត ។
៤. Mediafire ជា App ដែលមានភាពងាយស្រួលក្នុងការប្រើប្រាស់ និងងាយស្រួលក្នុងការទាញយកឯកសារទៅប្រើប្រាស់ឡើងវិញ ដោយមានល្បឿនលឿន ។
App នេះ អាចឲ្យអ្នកផ្ទុកឯកសារបានរហូតដល់ ១០ GB និង អាចដំឡើងបន្ថែមរហូតដល់ ៣២ GB។ វាអាចឲ្យអ្នករក្សាទុករាល់ឯកសារ រូបថត ចម្រៀង វីដេអូ ជាដើម ។
៥. Google Drive ជា App និងគេហទំព័រ របស់ក្រុមហ៊ុន Google អាចឲ្យអ្នកផ្ទុកឯកសារបានទំហំ ១៥ GB អាចរក្សាទុករាល់ឯកសារ រូបថត ចម្រៀង វីដេអូ ជាដើម។ វាក៏អាចឲ្យអ្នកចែករំលែករាល់ឯកសារ និងរូបថត ទៅកាន់មិត្ដភ័ក្ដ និងអ្នកធ្វើការងារជាមួយគ្នាបាន។
៦. Dropbox ជា App និងគេហទំព័រ ដែលមានផ្ទុក Cloud Storage ល្អបំផុតនៅលើពិភពលោក។ App នេះ វាមានភាពសាមញ្ញក្នុងការប្រើប្រាស់ និងផ្តល់ទំហំចំនួន ២ GB រាល់នៃការផ្ទុកឯកសារផ្សេងៗ និងអាចដំឡើងបន្ថែមរហូតដល់ទំហំ ១៦ GB ៕
ប្រភព៖ Phnom Penh Post
No comments:
Post a Comment